Saga Capital hf. var stofnað síðla hausts árið 2006, af nokkrum fyrrverandi starfsmönnum íslensku viðskiptabankanna og hét þá Saga Capital Fjárfestingarbanki. Bankinn lauk við lokað hlutafjárútboð á vormánuðum 2007 og voru hluthafar þá um 60 talsins.
Í apríllok 2007 gerðist Saga Capital aðili að Kauphöll Íslands, Nasdaq OMX, með auðkennið SGA. Regluleg starfsemi bankans hófst í sumarbyrjun 2007 þegar Fjármálaeftirlitið veitti Saga Capital starfsleyfi sem fjárfestingarbanki. Haldið var formlega upp á opnun bankans í ágúst sama ár.
Skrifstofur Saga Capital voru í upphafi í tveimur fallegum, gömlum húsum með
mikla sögu. Höfuðstöðvar bankans voru í meira en 100 ára gömlu húsi, Gamla barnaskólanum, að Hafnarstræti 54 á Akureyri en
þjónustusvið bankans, svo sem Fyrirtækjaráðgjöf og Markaðsviðskipti, voru staðsett í gamla kúabúinu að
Þóroddsstöðum, Skógarhlíð 22 í Reykjavík.
Síðla árs 2010 fluttu starfsmenn í Reykjavík sig um set og settust að á 14. hæðinni í útsýnisturninum við Höfðatorg. Á sama tíma var nafni bankans breytt úr Saga Capital Fjárfestingarbanka í Saga Capital. Þessi einföldun var gerð til að undirstrika sérhæfingu bankans og sérstöðu sem banki atvinnulífsins og eini fjárfestingarbanki landsins.
Í lok árs 2010 stofnaði Saga Capital nýtt fyrirtæki, T Plús ásamt Íslenskum verðbréfum og Stapa lífeyrissjóði. T Plús er þjónustufyrirtæki sem sérhæfir sig í vörslu- og uppgjörsþjónustu verðbréfa.
Síðla árs 2011 afturkallaði Fjármálaeftirlitið starfsleyfi bankans sem fjárfestingarbanki og var nafni félagsins í kjölfarið aftur breytt í Saga Capital.
