Aðalfundur Saga Eignarhaldsfélags hf. verður haldinn fimmtudaginn 30. júní 2011, kl. 16:00, á skrifstofu félagsins að Hafnarstræti 53, Akureyri, og skrifstofu Saga Fjárfestingarbanka að Höfðatorgi, 14. hæð, Reykjavík.
Skjöl sem lögð verða fyrir aðalfund, s.s. samstæðureikningur Saga Eignarhaldsfélags, ársreikningur dótturfélagsins Saga Fjárfestingarbanka og fram komnar tillögur aðalfundar, liggja frammi á skrifstofum félagsins að Hafnarstræti 53 og Höfðatorgi, 14. hæð.
Atkvæðaseðlar og önnur fundargögn verða afhent við upphaf aðalfundarins eða frá kl. 15:00. Vinsamlegast athugið að gera þarf viðhlítandi grein fyrir umboði og/eða prókúru umboðsmanns eða forsvarsmanns hluthafa, mæti hluthafi ekki í eigin nafni.
Umboð fyrir einstakling
Umboð fyrir félag
Dagskrá og tillögur stjórnar
1. Skýrsla stjórnar um starfsemi samstæðu Saga Eignarhaldsfélags á árinu 2010
2. Endurskoðaður samstæðureikningur Saga Eignarhaldsfélags fyrir árið 2010 lagður fram til staðfestingar
Stjórn Saga Eignarhaldsfélags leggur til að framlagður endurskoðaður samstæðureikningur félagsins fyrir árið 2010 verði samþykktur.
3. Ákvörðun um meðferð taps á árinu 2010
Stjórn Saga Eignarhaldsfélags leggur til að ekki verði greiddur arður til hluthafa fyrir starfsárið 2010 og að tap verði fært til lækkunar á eigin fé.
4. Breyting á lögheimili félagsins, skv. 2. gr. samþykkta félagsins.
Lagt er til að nýtt heimili félagsins skv. 2. gr. samþykkta félagsins verði að Höfðatorgi, 14. hæð, Reykjavík.
5. Tillaga um að afgreiðslu eftirfarandi mála verði frestað til framhaldsaðalfundar sem haldinn verður fimmtudaginn 28. júlí nk. kl. 16.00:
a) Stjórnarkjör
b) Kosning endurskoðunarfélags
c) Þóknun stjórnar og endurskoðunarfélags
d) Starfskjarastefna félagsins
Stjórn hefur um nokkuð skeið unnið að hækkun hlutafjár Saga Fjárfestingarbanka og átt m.a. í viðræðum við mögulega fjárfesta til að leggja bankanum til nýtt hlutafé. Gert var ráð fyrir að þeirri vinnu yrði lokið fyrir lok maí, en hún hefur dregist umfram áætlanir. Vegna þessa er lagt til að afgreiðslu framangreindra mála á dagskrá verði frestað til framhaldsaðalfundar sem haldinn skal fimmtudaginn 28. júlí nk. kl. 16.00. Sérstaklega verður boðað til framhaldsaðalfundar í samræmi við samþykktir félagsins.
6. Tillaga um að stjórn félagsins og endurskoðandi félagsins haldi umboði sínu fram til framhaldsaðalfundar.
Lagt er til að umboð núverandi stjórnar verði framlengt til framhaldsaðalfundar, en þá skal kosning nýrrar stjórnar fara fram. Jafnframt er lagt til að endurskoðandi haldi umboði sínu til sama tíma.
7. Önnur mál
